மேடையில் விஜய் கால்வைத்த நொடி மாநாட்டில் திடீர் பதற்றம் - மிரண்டு பார்த்த போலீஸ்

மேடையில் விஜய் கால்வைத்த நொடி மாநாட்டில் திடீர் பதற்றம் - மிரண்டு பார்த்த போலீஸ்

தமிழ வெற்றிக் கழக மாநாட்டில், திடீரென பொங்கியெழுந்து ஓடிய தொண்டர்கள் மீது போலீசார் தடியடி நடத்தினர்

விழுப்புரம் மாவட்டம் விக்கிரவாண்டி வி.சாலையில் தமிழக வெற்றிக் கழகத்தின் முதல் மாநில மாநாடு நேற்று நடந்து முடிந்தது. பிற்பகல் 3 மணிக்கு மாநாடு துவங்கிய நிலையில், கட்சி தலைவர் விஜய் 4 மணிக்கு மாநாட்டு மேடைக்கு வருகை தந்தார். உடனே, அங்கிருந்த லட்சக்கணக்கான தொண்டர்கள் விஜயை நோக்கி ஓடினர். இதனால் பெரும் பரபரப்பு ஏற்பட்டது. தொண்டர்கள் திடீரென மின் விளக்குகள், எல்.இ.டி விளக்குகள் மற்றும் கட் அவுட்கள் மீதும் ஏறியதால் அப்பகுதியில் சிறிது நேரம் பரபரப்பு ஏற்பட்டது. பின்னர் கட்சியின் பொதுச் செயலாளர் புஸ்ஸி ஆனந்த் கேட்டு கொண்ட பின், மேலிருந்து கீழிறங்கினர். மேலும், விஜயை பார்க்க வேண்டும் என்ற ஆர்வத்தில், இரும்பு தடுப்புகளை தாண்டி சென்ற தொண்டர்களால் சுமார் 1 மணி நேரம் பரபரப்பு ஏற்பட்டது. கூட்டத்தை கலைக்க முடியாமல் திணறிய போலீசார், தடுப்புக்கு அருகில் வந்த நபர்கள் மீது தடியடி நடத்தினர். இதில் பல ஆண்கள் , பெண்கள், குழந்தைகள் கீழே விழுந்தனர். பலரது செருப்புகள், வாகன சாவிகள் , செல்போன்கள் உள்ளிட்டவை தரையில் சிதறிக் கிடந்தன.