விஜய்யை இடிந்து நொறுங்க வைத்த பேரிழப்பு..அந்த இடத்தை யாராலும் நிரப்ப முடியாது

விஜய்யை இடிந்து நொறுங்க வைத்த பேரிழப்பு..அந்த இடத்தை யாராலும் நிரப்ப முடியாது

தவெக மாநாட்டுக்கு சென்ற கார் விபத்துக்குள்ளாகி இருவர் உயிரிழந்ததும், உயிரிழந்தவரின் பின்னணியும் பெரும் சோகத்தை ஏற்படுத்தி இருக்கிறது. இந்த துயரச் சம்பவம் குறித்து விவரிக்கிறது இந்த செய்தி தொகுப்பு...

தமிழக வெற்றி கழகத்தின், திருச்சி தெற்கு மாவட்ட இளைஞர் அணி தலைவரின் கடைசி நிமிட பேட்டிதான் இது...

சுமார் 2500க்கும் மேற்பட்டோருடன், 100க்கும் மேற்பட்ட வாகனங்களில்... தவெக மாநாட்டிற்கு சென்ற இவர், எதிர்பாரா விபத்தில் சிக்கி பரிதாபமாக உயிரிழந்திருக்கிறார்..

விழுப்புரம், விக்கிரவாண்டியின் வி.சாலை நோக்கி சீனிவாசன் பயணித்துக் கொண்டிருந்த கார், உளுந்தூர்பேட்டை அருகே சேக் உசேன் பேட்டை என்னுமிடத்தில் கட்டுப்பாட்டை இழந்து சாலை தடுப்புச் சுவர் மீது மோதி கவிழ்ந்திருக்கிறது...

இந்த விபத்தில், திருச்சி தெற்கு மாவட்ட தவெக இளைஞர் அணி துணைத் தலைவர் கலை என்பவருடன், சீனிவாசனும் படுகாயமடைந்து உயிரிழந்தது பெரும் சோகத்தை ஏற்படுத்தி இருக்கிறது...

தளபதியை பார்க்கச் செல்கிறோம், அவரது பேச்சையும், கொள்கை விளக்கத்தையும் கேட்க ஆவலோடு இருக்கிறோம் என தெரிவித்து விட்டு கார் ஏறிய சீனிவாசனின் மறைவு மனதை ரணமாக்கி இருக்கிறது...

மேலும், விஜய் மூலம் தான் ஆற்றிய சமூக சேவையை மாநாட்டுக்கு புறப்படும் முன் சீனிவாசன் தெரிவித்தது, அவரின் மறைவு விஜய்க்கு பேரிழப்பு என்று சொல்லுமளவுக்கு தவெக நிர்வாகிகளின் மனங்களை கலங்கடித்திருக்கிறது..

அக்டோபர் 31 அல்ல எங்களின் தீபாவளி... இன்றுதான் எங்களின் தீபாவளி எனச் சொல்லி விட்டு கார் ஏறிய சீனிவாசன் சடலமாக திரும்பியது திருச்சி மாவட்ட தவெக நிர்வாகிகளை நிலை குலை செய்திருக்கிறது..

விஜயின் தொடக்க காலத்தில் பக்கபலமாக இருந்து, அவரின் அரசியல் வரவை ஆவலோடு எதிர்பார்த்து கொண்டாட காத்திருந்த தொண்டனின் மறைவு பலரது இதயங்களை கூறு போட்டிருக்கிறது...