"விஜய் தான் அறிவிப்பார்".. புஸ்ஸி ஆனந்த் பேட்டி

தமிழக வெற்றிக் கழகம் மற்றும் அரசியல் குறித்து தலைவர் விஜய் மட்டுமே தெரிவிப்பார் என அக்கட்சியின் பொதுச்செயலாளர் புஸ்ஸி ஆனந்த் தெரிவித்துள்ளார். கடலூரில், தியாகி அஞ்சலையம்மாள் சிலைக்கு மாலை அணிவித்து மரியாதை செலுத்திய பின் அவர் செய்தியாளர்களிடம் பேசினார். அப்போது, பொதுச்செயலாளர் என்ற வகையில் தான் நலத்திட்ட உதவிகள் வழங்குவது, தலைவர் சிலைக்கு மரியாதை செலுத்துவது போன்ற நிகழ்ச்சிகளில் பங்கேற்பதாக தெரிவித்தார். அரசியல் தொடர்பான கருத்துகள், கட்சி குறித்து தலைவர் விஜய் தான் அறிவிப்பார் என்றும் அவர் கூறினார்.