பட்டப்பகலில் பூட்டை உடைத்து கைவரிசை திருடனை புரட்டி எடுத்த பொதுமக்கள் பிடிபட்ட நபர் பேசும் வீடியோ

கோவையில், பட்டபகலில் வீட்டின் பூட்டை உடைத்து திருட முயன்ற நபரை, பொதுமக்கள் பிடித்து தர்ம அடி கொடுத்த சம்பவம் நடந்துள்ளது. கோவை புதூர் ஆல்ஃபா நகர் பகுதியில், 2 பேர் அந்த பகுதியில், வீட்டின் பூட்டை உடைத்து காம்பவுண்ட் உள்ளே சென்றுள்ளனர். இதனை பார்த்து அருகில் உள்ளவர்கள் சத்தம் போடவே, அக்கம்பக்கத்தினர் ஒன்று கூடி ஒருவரை பிடித்து தர்ம அடி கொடுத்தனர். தகவலின் பேரில் வந்த போலீசார், அந்த நபரை காவல்நிலையம் அழைத்துச் சென்று விசாரணை நடத்தி வருகின்றனர். செலவுக்கு பணம் இல்லாத காரணத்தினால் திருட வந்ததாக சிக்கிய நபர் பேசும் வீடியோ சமூக வலைதளத்தில் வைரலாகி வருகிறது.