வெளுத்து வாங்கிய கனமழை..கலெக்டர் ஆபிஸில் சுக்குநூறான.. அதிர்ச்சி காட்சி

வெளுத்து வாங்கிய கனமழை..கலெக்டர் ஆபிஸில் சுக்குநூறான.. அதிர்ச்சி காட்சி

வேலூர் மற்றும் சுற்றுவட்டார பகுதிகளில் கனமழை பெய்தது. சத்துவாச்சாரி, வள்ளலார், காகிதப்பட்டறை, காட்பாடி, பிரம்மபுரம், கிறிஸ்டியான்பேட்டை, சேவூர், ஆரிமுத்துமோட்டூர் உள்ளிட்ட பகுதியில் சூறைக்காற்றுடன் மழை வெளுத்து வாங்கியது. கொட்டித் தீர்த்த மழையால் காட்பாடி சித்தூர் பேருந்து நிறுத்தம் பகுதியில் இரண்டு அடி உயரத்திற்கு தண்ணீர் குளம் போல தேங்கியது. இதனால் வாகன ஓட்டிகள் கடும் சிரமத்திற்கு ஆளாகினர். சாலையோரம் நிறுத்தப்பட்டிருந்த இருசக்கர வாகனங்கள் மழை நீரில் மூழ்கியது. மேலும், மாவட்ட ஆட்சியர் அலுவலகத்தில் மரம் சாய்ந்து இருசக்கர வாகனங்கள் சேதமடைந்தன. இருப்பினும், வெப்பம் தணிந்து குளிர்ச்சி நிலவுவதால் பொதுமக்கள் மற்றும் விவசாயிகள் மகிழ்ச்சி அடைந்துள்ளனர்.