ஊருக்கே பீதியை கிளப்பிய ஆடுகள் மரணம்.. அச்சத்தில் இருந்த மக்களுக்கு சிசிடிவியில் கிடைத்த பதில்

திருப்பத்தூர் மாவட்டம் வாணியம்பாடி அருகே ஆடுகளை சிறுத்தை கடித்து கொன்றதாக தகவல் வெளியான நிலையில், அவை தெருநாய்கள் கடித்து கொன்றதாக வனத்துறையினர் தெரிவித்துள்ளனர். தேவஸ்தானம், திம்மாம்பேட்டை, தும்பேரி உள்ளிட்ட பகுதியில் கடந்த சில நாட்களாக மர்ம விலங்குகள் கடித்து ஆடுகள் உயிரிழந்து வந்தன. சிறுத்தை நடமாட்டமாக இருக்குமோ என மக்கள் அச்சமடைந்தநிலையில், வனத்துறையினர் அங்குள்ள சிசிடிவி கேமராக்களை ஆய்வு செய்னர். அதில் தெருநாய்கள் சேர்ந்து ஆடுகளை கடிப்பது பதிவாகி இருந்ததால், அங்கு சிறுத்தை நடமாட்டம் இல்லை என்பதை வனத்துறையினர் உறுதிப்படுத்தி உள்ளனர்.