நடுரோட்டில் பல்டி அடித்த வேன்... - நடுரோட்டில் பல்டி அடித்த வேன்...

திருவள்ளூர் மாவட்டம் கும்மிடிப்பூண்டி அருகே, 3 டன் கடத்தல் ரேஷன் அரிசியை பறிமுதல் செய்த போலீசார், தப்பியோடிய ஓட்டுநரை தேடி வருகின்றனர்.

கும்மிடிப்பூண்டியை அடுத்துள்ள சின்ன ஓபுளாபுரம் கிராமத்தில், சென்னை-கொல்கத்தா தேசிய நெடுஞ்சாலை வழியாக, ஆந்திரா நோக்கி அதிவேகமாக சென்ற லோடு வேன் ஒன்று, கட்டுப்பாட்டை இழந்து கவிழ்ந்தது. இதனால் வேனில் இருந்த கடத்தல் ரேஷன் அரிசி, சாலையில் சிதறியது. இதையடுத்து ஓட்டுநர் அங்கிருந்து தப்பியோடிவிட்டார். தகவலறிந்து சம்பவ இடத்திற்கு சென்ற கும்மிடிப்பூண்டி சிப்காட் போலீசார், மினி லோடு வேனில் ஆந்திராவிற்கு கடத்த முயன்ற சுமார் 3 டன் ரேஷன் அரிசியை பறிமுதல் செய்தனர். பின்னர் வேனை அப்புறப்படுத்தி போக்குவரத்தை சீர் செய்தனர்.