தவெக மாநாட்டில் காணாமல் போன கல்லூரி மாணவன் - "இப்போ வர கிடைக்கல"

தமிழக வெற்றிக் கழக மாநாட்டிற்கு சென்ற கிருஷ்ணகிரியை சேர்ந்த கல்லூரி மாணவர் மாயமாகி இருப்பது அதிர்ச்சியை ஏற்படுத்தியுள்ளது. கிருஷ்ணகிரி மாவட்டம் தேவ சமுத்திரம் பகுதியை சேர்ந்த கல்லூரி மாணவர் மகேஸ்வரன், தனது நண்பர்களுடன் த.வெ.க. மாநாட்டுக்கு வந்துள்ளார். கூட்ட நெரிசலில் காணாமல்போன மகேஸ்வரன், தனது போனில் சிக்னல் கிடைக்கவில்லை எனவும், விக்கிரவாண்டி டோல்கேட் அருகே இருப்பதாகவும் மெசேஜ் அனுப்பியுள்ளார். ஆனால் அதன் பிறகு அவரை தொடர்புகொள்ள முடியாத நிலையில், அவர் வீட்டிற்கும் செல்லவில்லை என தெரியவந்துள்ளது. எனவே, மகேஸ்வரனை கண்டுபிடித்து தருமாறு அவரது நண்பர்களும், உறவினர்களும் காவல்துறைக்கு கோரிக்கை விடுத்துள்ளனர்.