மாநாட்டிற்கு புறப்பட்ட தவெக நிர்வாகிகள் - கோர விபத்தில் பிரிந்த 2 உயிர்கள்

மாநாட்டிற்கு புறப்பட்ட தவெக நிர்வாகிகள் - கோர விபத்தில் பிரிந்த 2 உயிர்கள்

தமிழக வெற்றிக் கழக மாநாட்டிற்காக வந்த திருச்சி மாவட்ட நிர்வாகிகள் இரண்டு பேர் சாலை விபத்தில் பலியாகினர்.

தமிழக வெற்றி கழகத்தின் திருச்சி தெற்கு மாவட்ட இளைஞர் அணி தலைவராக உள்ளவர், சீனிவாசன். இவர் தலைமையில் 116 வண்டிகளில் இரண்டாயிரத்துக்கும் மேற்பட்டோர் மாநாட்டிற்கு வந்து கொண்டிருந்தனர். அப்போது இளைஞர் அணி தலைவர் சீனிவாசனின் கார், உளுந்தூர்பேட்டை அருகே உள்ள சேக் உசேன் பேட்டை பகுதியில் கட்டுப்பாட்டை இழந்தது. காரின் பின் பக்க டயர் சென்டர் மீடியனில் மோதி, பின்னர் சாலையோர மரத்தில் மோதி விபத்துக்குள்ளானது. இந்த விபத்தில் இளைஞர் அணி தலைவர் சீனிவாசன், துணைத்தலைவர் கலை ஆகியோர் பலியாகினர். காரில் வந்த மற்ற மூன்று பேர் உளுந்தூர்பேட்டை அரசு மருத்துவமனையில் தீவிர சிகிச்சை பிரிவில் சேர்க்கப்பட்டுள்ளனர். இதனால் இரண்டாயிரத்துக்கும் மேற்பட்ட தொண்டர்கள் மீண்டும் திருச்சிக்கே திரும்பினர்.