ரூட்டில் திடீர் மாற்றம்... போலீஸ் சொன்ன முக்கிய தகவல்

ரூட்டில் திடீர் மாற்றம்... போலீஸ் சொன்ன முக்கிய தகவல்

விஜய்யின் தமிழக வெற்றிக் கழகத்தின் முதல் மாநாடு விக்கரவாண்டி வி சாலையில் வரும் ஞாயிற்றுக்கிழமை நடைபெற உள்ளது. இந்த மாநாட்டிற்கு இரண்டு லட்சம் பேர் வருவதாக எதிர்பார்க்கப்படுகிறது. இதனைத் தொடர்ந்து பண்டிகை நேரம் என்பதால் மாநாட்டினால் பொதுமக்களுக்கு எந்தவித சிரமமும் இன்றி செல்ல போலீசார் திட்டமிட்டுள்ளனர்.அதன் படி சென்னையில் இருந்து திருச்சி செல்லக்கூடிய வாகனங்கள் திண்டிவனத்தில் மாற்றுப்பாதையில் இயக்க உள்ளதாகவும், அதே போலத் திருச்சியில் இருந்து சென்னை வரக்கூடிய வாகனங்கள் செஞ்சியில் மாற்றுப்பாதையில் இயக்க திட்டமிட்டுள்ளனர். இதன் காரணமாக வழக்கமாகச் செல்லும் தூரத்தை விட 15 முதல் 20 கிமீ தூரம் அதிகரிக்க வாய்ப்பு இருப்பதாகக் கூறப்படுகிறது. மேலும் பண்டிகை காலம் என்பதால் தென் மாவட்டங்களுக்குச் செல்பவர்கள் ஜிஎஸ்டி சாலையைத் தவிர்க்க அறிவுறுத்தத் திட்டமிட்டு இருப்பதாகவும் போலீஸ் தரப்பில் கூறப்படுகிறது. மேலும் மாநாட்டின் மேடை பகுதி தேசிய நெடுஞ்சாலையை ஒட்டி இருப்பதால் அந்த பகுதியில் கட்டாயம் போக்குவரத்து மாற்றம் இருக்கும் என போலீசார் தெரிவித்துள்ளனர்