ஆட்டோவில் வந்து திருச்சியை மிரளவிட்ட மர்ம நபர்கள் - அதிர்ச்சி சிசிடிவி

திருச்சி மாவட்டம் உறையூரில், ஆட்டோவில் வந்து ஆடுகளை திருடி சென்ற ஆட்டோ ஓட்டுநரை பொதுமக்கள் கையும் களவுமாக பிடித்தனர். உறையூர் நாச்சியார் கோவில் அருகே அடிக்கடி ஆடுகள் மாயமாகி வந்த நிலையில், அங்கிருந்த சிசிடிவி கேமராக்களை ஆய்வு செய்த போது, ஆட்டோவில் வந்த மர்ம நபர்கள் ஆடுகளை திருடி சென்றது தெரியவந்தது. அதனை தொடர்ந்து ஆட்டோவின் பதிவெண்ணை கொண்டு அப்பகுதி மக்கள் தேடி வந்தனர். அப்போது அப்பகுதியில் உலா வந்த ஆட்டோவை மடக்கிப் பிடித்தனர்.