வீட்டிற்கு தண்ணி கேன் போட வந்தவர் வெறிச்செயல் - சுத்தி முத்தி பார்த்து நிகழ்த்திய பயங்கரம்

வீட்டிற்கு தண்ணி கேன் போட வந்தவர் வெறிச்செயல் - சுத்தி முத்தி பார்த்து நிகழ்த்திய பயங்கரம்

தண்ணீர் கேன் சப்ளை செய்து வந்த இளைஞர், வீட்டில் தனியே இருந்த மூதாட்டியை கொன்று நகைகளை திருடிச் சென்ற சம்பவம் அதிர்ச்சியை ஏற்படுத்தியுள்ளது.திருச்சி மாவட்டம் மணப்பாறை மஸ்தான் தெருவை சேர்ந்தவர் 63 வயது மூதாட்டி கல்யாணி. இவரது கணவர் எலக்ட்ரிக்கல் கடை வைத்திருக்கும் நிலையில், சம்பவத்தன்று கணவர் வேலைக்கு சென்றதால் மூதாட்டி வீட்டில் தனியே இருந்துள்ளார். இந்நிலையில், திடீரென வீட்டின் சமையலறையில் கொலை செய்யப்பட்டு மூதாட்டி சடலமாக கிடந்தது பெரும் அதிர்ச்சியை ஏற்படுத்தியது. வீட்டிலிருந்த 16 சவரன் நகை மற்றும் 30 ஆயிரம் ரூபாய் பணம் கொள்ளையடிக்கப்பட்டிருந்த நிலையில், தனிப்படை அமைத்து விசாரணையை தொடங்கிய போலீசார், அருகிலுள்ள சிசிடிவி காட்சிகளை கைப்பற்றி குற்றவாளியை தேடி வந்தனர்.. விசாரணையில், திருச்சி சமத்துவபுரத்தை சேர்ந்தவரும், மூதாட்டியின் வீட்டில் வழக்கமாக தண்ணீர் கேன் சப்ளை செய்து வந்தவருமான கேசவன் என்பவர், தனது நண்பர்களுடன் சேர்ந்து மூதாட்டியை கொன்று நகைகளை கொள்ளையடித்து சென்றது தெரியவந்தது. இந்நிலையில், கேசவனை கைது செய்து, அவரின் இரு சக்கர வாகனம் மற்றும் 18 ஆயிரம் ரூபாய் பணத்தை பறிமுதல் செய்த போலீசார், தலைமறைவாக உள்ள மேலும் மூவரை வலைவீசி தேடி வருகின்றனர்.