எச்சரித்த ரவுடி.. போட்டு கொடுத்த நண்பன்.. இளைஞரை சரமாரியாக தாக்கிய கும்பல்.. திருச்சியில் பரபரப்பு சம்பவம்

திருச்சி மாவட்டம் லால்குடி அருகே, தன் மீது போலீசில் புகார் கொடுத்த இளைஞரை, பிரபல ரவுடி கூட்டாளிகளுடன் சேர்ந்து வெட்டிக் கொன்ற சம்பவம் பரபரப்பை ஏற்படுத்தியுள்ளது.

லால்குடி அருகே உள்ள ஆதிக்குடியை சேர்ந்தவர் ராஜா. கண்காணிக்கப்படும் குற்றவாளிகள் பட்டியலில் உள்ள பிரபல ரவுடியான இவரை, இவரது நண்பர் சோபன் பாபு மரியாதை குறைவாக நடத்தியதாக கூறப்படுகிறது. இதனால், சோபன்பாபுவை ராஜா கடத்திச் சென்று கொலை மிரட்டல் விடுத்த நிலையில், இதையறிந்த சோபன்பாபுவின் நண்பர் நவீன்குமார் போலீசில் புகாரளித்திருக்கிறார். தன் மீது போலீசில் புகாரளிக்கப்பட்டிருப்பதை அறிந்து சோமன்பாபுவை ராஜா பாதி வழியிலேயே இறக்கி விட்டதாக கூறப்படுகிறது. இந்நிலையில், தன் மீது புகாரளித்த நவீன்குமாரை சாமாதானம் பேசுவது போல் அழைத்து மது அருந்திய ராஜா, அவரை தனது கூட்டாளிகளுடன் சேர்ந்து வெட்டிக் கொன்று தப்பியோடிய சம்பவம் அதிர்ச்சியை ஏற்படுத்தி இருக்கிறது. தகவலின் அடிப்படையில் சம்பவ இடத்திற்கு வந்த போலீசார், நவீன்குமாரின் சடலத்தை கைப்பற்றிய நிலையில், தலைமறைவாக உள்ள ராஜாவையும், அவரது கூட்டாளிகளையும் தேடி வருகின்றனர்.