கழுத்தை நெரித்து பாட்டியை கொடூரமாக கொன்ற பெண் - "இது தான் காரணமா.." திருச்சியில் அதிர்ச்சி

திருச்சியில் மூதாட்டியை கொலை செய்து ஐந்தரை பவுன் நகை கொள்ளையடிக்கப்பட்ட வழக்கில், பெண் ஒருவர் கைது செய்யப்பட்டுள்ளார். திருவானைக்காவல், நெல்சன்ரோட்டை சேர்ந்த 95 வயதான சேஷாயி அம்மாள் கடந்த 14ஆம் கழுத்து நெரிக்கப்பட்டு கொலை செய்யப்பட்டு கிடந்தார். அவர் அணிந்து இருந்த நகைகள் மாயமாகி இருந்தது. இது குறித்து 3 தனிப்படை அமைத்து விசாரணை நடத்தி வந்த போலீசார், சிசிடிவி அடிப்படையில் ஆரோக்கியமேரி என்ற பெண் ஒருவரை பிடித்து விசாரித்தனர். அவர் மூதாட்டியின் வீட்டில் கடந்த ஆண்டு வாடகைக்கு குடியிருந்த‌தும், மூதாட்டியின் முகத்தை துணியால் மூடி கழுத்தை நெரித்து கொலை செய்துவிட்டு நகையை திருடியும் தெரிய வந்த‌து. அவரிடம் இருந்து நகையை மீட்ட போலீசார், நீதிமன்றத்தில் ஆஜர்படுத்தி சிறையில் அடைத்தனர்.