ஊஞ்சலில் விளையாடிக் கொண்டிருந்த குழந்தைக்கு நேர்ந்த சோகம் - தாய் பிரசவத்திற்கு சென்ற போது நடந்த விபரீதம்

கிருஷ்ணகிரி மாவட்டம் குமரங்கணப்பள்ளியில், தாய் பிரசவத்திற்கு சென்ற நேரத்தில், 3 வயது சிறுமி ஊஞ்சல் சேலையில் சிக்கி உயிரிழந்த சம்பவம் சோகத்தை ஏற்படுத்தியுள்ளது.

குமரங்கணப்பள்ளியைச் சேர்ந்த ரவியின் மனைவி சசிகலா, 2வது பிரசவத்திற்காக கிருஷ்ணகிரி அரசு மருத்துவமனையில் அனுமதிக்கப்பட்டார். முன்னதாக, 3 வயதான தங்களது முதல் பெண் குழந்தையை, தாத்தா மற்றும் சித்தப்பாவிடம் ஒப்படைத்துவிட்டு சென்றுள்ளனர். வீட்டிற்குள் விளையாடிக் கொண்டிருந்த சிறுமி ஊஞ்சல் சேலையில் சிக்கி உயிரிழந்தாள். இது குறித்து பர்கூர் போலீசார் வழக்கு பதிவு செய்து விசாரணை மேற்கொண்டு வருகின்றனர்