கள்ளக்காதலை துண்டித்ததால் டார்ச்சர்...நடு ரோட்டில் ரகசிய காதலனுக்கு நேர்ந்த பயங்கரம்...
சேலம் - சூரமங்கலம்
கள்ளக்காதலை துண்டித்ததால் டார்ச்சர்...
நடு ரோட்டில் ரகசிய காதலனுக்கு நேர்ந்த பயங்கரம்...
மனைவியின் முன்னாள் ரகசிய காதலன் கடத்தல்...
பெண்ணை ஏவி ஸ்கெட்ச்... பகீர் சிசிடிவி காட்சிகள்...
நடுரோட்டில் நின்று தோழியுடன் சந்தோஷமாக பேசிக்கொண்டிருந்தவரை, மர்ம கும்பல் ஒன்று கத்தியால் குத்தி காரில் கடத்தி செல்லும் பகீர் காட்சிகள் தான் இது.
சினிமா ஸ்டண்ட் காட்சிகளை மிஞ்சும் இந்த பைபாஸ் கிட்னாப்பை, அங்கிருந்தவர்களால் வேடிக்கை பார்ப்பதை தவிர வேறு ஒன்றும் செய்ய முடியவில்லை.
கடத்தப்பட்டவர் யார்...? கடத்தலுக்கான காரணம் என்ன...? என்பதை அறிந்து கொள்ள விசாரனையில் இறங்கினோம்.
நடுரோட்டில் குத்து வாங்கி கடத்தி செல்லப்பட்டவர் சேலம் சூரமங்கலம் பகுதியை சேர்ந்த செந்தில்குமார். இவர் ஒரு வழக்கறிஞர். திருமணமான குடும்பஸ்தன்.
சம்பவம் நடந்த அன்று தேவி என்ற பெண்ணுடன் சேலம் நோக்கி வந்த போது தான் செந்தில்குமாரை கோரிமேடு பகுதியில் வைத்து கொலை செய்ய முயன்றுள்ளது ஒரு கும்பல்.
உடனே போலீசாருக்கு தகவல் கொடுக்கப்பட்டிருக்கிறது. சம்பவ இடத்திற்கு விரைந்த போலீசார் சிசிடிவி காட்சிகளை அடிப்படையாக வைத்து, செந்தில்குமாரை கடத்தி சென்ற காரை விரட்டி சென்று சுற்றி வளைத்திருக்கிறார்கள்.
போலீசாரை கண்ட உடன் காரில் இருந்தவர்கள் அனைவரும் தப்பி ஓட இளங்கோவன் என்பவர் மட்டும் வசமாக சிக்கி இருக்கிறார். செந்தில்குமாரை மீட்டு மருத்துவமனைக்கு அனுப்பி வைத்த போலீசார், இளங்கோவனை கைது செய்து விசாரித்திருக்கிறார்கள்.
அப்போது தான் நடந்த கொலை முயற்சிக்கு பின்னால் ஒரு கள்ளக்காதல் மறைந்திருப்பது அம்பலமாகி உள்ளது.
ஆம்..... தாக்கப்பட்ட செந்தில்குமார் கருப்பு உடையில் வளம் வரும் ஒரு காதல் ரோமியோ. வழக்குக்காக வரும் பெண்களின் வாழ்க்கையில் விளையாடுவது தான் இவரின் முழு நேர வேலை என்று சொல்லப்படுகிறது.
அந்த பட்டியலில் ஒருவர் தான் கைது செய்யப்பட்ட இளங்கோவனின் மனைவி. இவருக்கும் செந்தில்குமாருக்கும் சட்டக்கல்லூரியில் படிக்கும் போது பழக்கம் ஏற்பட்டிருக்கிறது.
அந்த பழக்கம் தகாத உறவில் முடிந்ததாகவும் சொல்லப்படுகிறது. காதல் எல்லை மீற, செந்தில்குமாரின் டார்ச்சரை இளங்கோவனின் மனைவியால் பொருத்துக்கொள்ள முடியவில்லை.
இதனால் கடந்த மூன்று ஆண்டுகளுக்கு முன்னர், செந்தில்குமாருடனான காதலை துண்டித்திருக்கிறார். ரகசிய காதலியின் இந்த திடீர் முடிவு, செந்தில்குமாருக்கு ஆத்திரத்தை வரவழைத்திருக்கிறது. இதனால் நேராக இளங்கோவனுக்கே போன் செய்து "நானும் உன் மனைவியும் கள்ளக்காதலர்கள், பழகும் போது உன் மனைவிக்கு நான் 3 லட்சம் பணம் கொடுத்திருக்கிறேன் அதை திருப்பி கொடு" என மிரட்டி இருக்கிறார் செந்தில்குமார்.
இதனால் குழம்பிய இளங்கோவன் செந்தில்குமாருக்கு சரியான பாடம் புகட்ட நினைத்து ஒரு மாஸ்டர் ப்ளான் போட்டிருக்கிறார். தனக்கு தெரிந்த ஸ்ரீதேவி என்ற பெண்ணை ஏவி, செந்தில்குமாருடன் நெருக்கமாக பழக வைத்திருக்கிறார்.
ஸ்ரீதேவியின் காதல் வெள்ளத்தில் செந்தில்குமார் மூழ்கிய நேரத்தில், அவரை தீர்த்து கட்ட திட்டம் போட்டிருக்கிறார்.
சம்பவம் நடந்த அன்று செந்தில்குமாரும், ஸ்ரீதேவியும் பூங்காவிற்கு சென்று பொழுதை கழித்து விட்டு, வீடு திரும்பி இருக்கிறார்கள். அடியாட்களுடன் இருவரையும் பின் தொடர்ந்திருக்கிறது இளங்கோவன் அன்ட் கோ.
திட்டப்படி கோரிமோடு பகுதி வந்ததும் ஜெராக்ஸ் எடுப்பதற்காக செந்தில்குமாரை நடுரோட்டில் இருக்க சொல்லி விட்டு கடைக்குள் புகுந்திருக்கிறார் ஸ்ரீதேவி.
உடனே தனிமையில் இருந்த செந்தில்குமாரை இளங்கோவனின் ஆட்கள் கத்தி மற்றும் அரிவாளால் தாக்கி கடத்தி சென்றது விசாரனையில் தெரியவந்துள்ளது.
இந்த சம்பவம் தொடர்பாக வழக்கு பதிவு செய்த போலீசார், இளங்கோவன், ஆனந்த், சிக்கந்தர், சந்தோஷ் ஆகிய நான்கு பேரை கைது செய்து சிறையில் அடைத்துள்ளனர். மேலும் தலைமறைவாக உள்ள ஸ்ரீதேவி உட்பட இருவரை போலீசார் வலைவீசி தேடி வருகின்றனர்.
