நாளை குரூப் 4 தேர்வு: 7301 பதவிகளுக்கு 22 லட்சம் பேர் போட்டி

நாளை குரூப் 4 தேர்வு: 7301 பதவிகளுக்கு 22 லட்சம் பேர் போட்டி

நாளை நடைபெறும் குரூப்-4 தேர்வில் 22 லட்சம் பேர் பங்கேற்பதால், டிஎன்பிஎஸ்சி விரிவான ஏற்பாடுகளை செய்திருக்கிறது.

தமிழக அரசின் பல்வேறு துறைகளில் பத்தாம் வகுப்பு கல்வித்தகுதி நிலையில், காலியாக இருக்க கூடிய 7 ஆயிரத்து 301 குரூப் 4 இடங்களுக்கு ஞாயிற்றுக்கிழமை காலை போட்டித் தேர்வு நடைபெறுகிறது. பத்தாம் வகுப்பு கல்வித் தகுதியை நிலையிலான தேர்வு என்பதால், வழக்கம்போல் 22 லட்சம் பேர் பங்கேற்கின்றனர். இதற்காக டிஎன்பிஎஸ்சி விரிவான ஏற்பாடுகளை செய்து இருக்கிறது . ஆண் தேர்வர்கள் 9 லட்சத்து 35 ஆயிரத்து 354 பேரும், பெண்கள் 12 லட்சத்து 67 ஆயிரத்து 457 பேரும் ஆவர். தேர்வு நேரம் காலை ஒன்பரை மணி முதல் பன்னிரெண்டரை மணி வரை ஆகும். தமிழகம் முழுவதும் முப்பத்தி எட்டு மாவட்டங்களில், 316 தாலுகா பகுதிகளில் , 7 ஆயிரத்து 689 மையங்களில் தேர்வுகள் நடைபெறுகின்றன. சென்னையில் 503 இடங்களில் தேர்வுகள் நடைபெறுகின்றன. சென்னையில் 1 லட்சத்து 56 ஆயிரத்து 218 பேர் பங்கேற்கின்றனர்.