தமிழகத்தில் அரசு கலை கல்லூரிகளில் அப்ளை செய்தவர்களுக்கு... வெளியான முக்கிய அறிவிப்பு

தமிழகத்தில் அரசு கலை கல்லூரிகளில் அப்ளை செய்தவர்களுக்கு... வெளியான முக்கிய அறிவிப்பு

அரசு கலை மற்றும் அறிவியல் கல்லூரியில் சேர 2 லட்சத்து 18 ஆயிரம் மாணவர்கள் விண்ணப்பித்து உள்ளனர். தமிழகத்தில் உள்ள 164 அரசு கலை மற்றும் அறிவியல் கல்லூரிகளில் இளநிலை பட்டப்படிப்பு முதலாமாண்டில் சேர்வதற்கு மே 6-ம் தேதி முதல் மே 19 வரை 2 லட்சத்து 18 ஆயிரத்து 915 மாணவர்கள் விண்ணப்பித்துள்ளனர். மே 20 கடைசி நாள் என்பது குறிப்பிடத்தக்கது. மே 28 முதல் 30-ஆம் தேதி வரையில் கல்லூரிகளில் சிறப்பு பிரிவு கலந்தாய்வு நடைபெறுகிறது. தொடர்ந்து, முதல் சுற்று கலந்தாய்வு ஜூன் 10 முதல் 15-ம் தேதி வரையிலும், 2ஆம் சுற்றுக் கலந்தாய்வு ஜூன் 24 முதல் 29-ம் தேதி வரையிலும் நடத்தப்படுகிறது. முதலாம் ஆண்டு மாணவர்களுக்கான வகுப்புகள் ஜூலை 3-ம் தேதி துவங்கும் என அறிவிக்கப் பட்டுள்ளது.