"தமிழ்நாட்டில் கோடை கால மின் தடையா?" - வெளியான தகவல்

தமிழ்நாட்டில் கோடை காலத்தில் மின்சார தடை இருக்காது என்று மின்வாரிய அதிகாரிகள் தகவல் தெரிவித்துள்ளனர். கோடை காலம் துவங்கியுள்ள நிலையில் தடையின்றி சீரான மின்சாரம் விநியோகம் செய்ய ஊழியர்களுக்கு வலியுறுத்தப்பட்டுள்ளது. பள்ளி, கல்லூரிகளில் தேர்வுகள் துவங்கியுள்ள நிலையில், மாநிலம் முழுவதும் தடையில்லா மின்சாரம் வழங்கவும் உத்தரவிடப்பட்டுள்ளதாகவும் தெரிவிக்கப்பட்டுள்ளது. மாநிலம் முழுவதும் பராமரிப்பு பணிகள் முழுவீச்சில் நடைபெற்று வருவதால் கோடைக்காலத்தில் மின்தடை இருக்காது என மின்சார வாரிய அதிகாரிகள் உறுதி அளித்துள்ளனர்.