தமிழக பட்ஜெட் இன்று வெளியாகப்போகும் முக்கிய அறிவிப்புகள் என்னென்ன..? | TN Budget 2024

பழைய ஓய்வூதிய திட்டத்தை அமல்படுத்த வலியுறுத்தி ஜாக்டோ ஜியோ அமைப்பினர் தொடர் போராட்டங்களை அறிவித்திருக்கிறார்கள். கடந்த 15-ஆம் தேதி, ஒரு நாள் அடையாள வேலை நிறுத்தம் நடத்த இருந்த நிலையில் , அதற்கு முன்பு முதல்வரை சந்தித்து பேசியதன் காரணமாக அந்த வேலைநிறுத்த போராட்டத்தை தள்ளி வைத்தனர் .

இந்நிலையில், வரும் 26-ஆம் தேதியில் இருந்து, காலவரையற்ற வேலை நிறுத்த போராட்டத்தையும் ஜாக்டோ ஜியோ அமைப்பு அறிவித்துள்ளது. இதேபோன்று மற்ற அமைப்புகளும் கால வரலாற்றை வேலை நிறுத்த போராட்டத்தை அறிவித்திருக்கின்றன. இந்நிலையில், அவர்கள் எதிர்பார்க்கும் பழைய ஓய்வூதிய திட்டம் மற்றும் இதர கோரிக்கைகள் தொடர்பான அறிவிப்புகள் பட்ஜெட்டில் இடம் பெறுமா என்ற எதிர்பார்ப்பு அவர்கள் மத்தியில் எழுந்துள்ளது. கூட்டத்தொடர் முடியும் வரை எந்த அறிவிப்பும் வெளியாகவில்லை எனில், திட்டமிட்டபடி வரும் 26-ஆம் தேதி முதல், கால வரையற்ற வேலை நிறுத்த போராட்டத்தை தொடங்க இருப்பதாகவும் ஜாக்டோ ஜியோ வட்டாரங்கள் தெரிவித்துள்ளன.