திருவண்ணாமலை தீப திருநாள் - பக்தர்களுக்கு வெளியான குட் நியூஸ்..!

திருவண்ணாமலை தீப திருநாள் மற்றும் பௌர்ணமியை முன்னிட்டு அரசு விரைவுப் போக்குவரத்துக் கழகத்தின் சார்பில் பயணிகளின் வசதிக்காக சிறப்பு பேருந்து இயக்கப்பட உள்ளது. இதன்படி, வரும் 25 முதல் 27 ஆம் தேதி வரை சென்னையிலிருந்து திருவண்ணாமலைக்கும், திருவண்ணாமலையிலிருந்து சென்னைக்கும் ஐம்பது எண்ணிக்கையிலான குளிர்சாதன இருக்கை மற்றும் படுக்கை வசதி கொண்ட பேருந்து இயக்கப்பட உள்ளது. மேலும், நெல்லை, நாகர்கோவில், தூத்துக்குடி, மதுரை மற்றும் கோவை ஆகிய இடங்களிலிருந்து திருவண்ணாமலை சென்று வர சிறப்பு பேருந்துகள் வரும் 24ம் தேதி முதல் 26 ஆம் தேதி வரை இயக்கப்பட உள்ளதாகவும் தெரிவிக்கப்பட்டுள்ளது.