"எல்லாரையும் துரத்து".. மருத்துவமனையை பரபரப்பாக்கிய இருவர்.. வாயை திறந்தாலே அசிங்கம்

திருவள்ளூர் அரசு தலைமை மருத்துவக் கல்லூரி மருத்துவமனை, இரவு நேரத்தில் குடிகாரர்களின் கூடாரமாக இருப்பதால் நோயாளிகள் அவதிக்குள்ளாகியுள்ளனர். இந்த மருத்துவமனைக்கு நாளொன்றுக்கு சுமார் 3 ஆயிரம் பேர் வந்து செல்கின்றனர். இந்நிலையில், இரவு நேரத்தில் சிலர் குடித்து விட்டு மருத்துவமனை வளாகத்தில் அநாகரிகமான செயல்களில் ஈடுபடுகின்றனர். இதனால், நோயாளிகள் மற்றும் பராமரிப்பாளர்களின் பாதுகாப்பு கேள்விக்குறியாகியுள்ளது. இச்சம்பவம் தொடர்பாக உரிய நடவடிக்கை எடுக்க வேண்டுமென பொதுமக்கள் கோரிக்கை விடுத்துள்ளனர்.