பிரபல ரவுடி ஓட ஓட விரட்டி படுகொலை... பட்டப்பகலில் பயங்கரம்...பெரும் பதற்றம்

திருப்பூர் மாவட்டம் பல்லடம் அருகே, ரவுடி ஒருவர் ஓட ஓட விரட்டி வெட்டி கொலை செய்யப்பட்டார்.

பல்லடம் அடுத்த கரையாம்புதூர் என்ற இடத்தில் வைத்து, காலை 8 மணியளவில் படுகொலை செய்யப்பட்டுள்ளார். சிவகங்கை மாவட்டம் உடையன்குளம் பகுதியை சேர்ந்தவரும் பிரபல ரவுடியுமான வினோத் கண்ணன் என்பவரை ஐந்து பேர் கொண்ட கும்பல் சுற்றி வளைத்து கொலை செய்திருக்கின்றனர். கொலை செய்யப்பட்ட வினோத் கண்ணன் மீது கொலை, ஆள் கடத்தல் என பல வழக்குகள் நிலுவையில் உள்ள நிலையில், முன்விரோதம் காரணமாக அவர் கொலை செய்யப்பட்டாரா என போலீசார் தீவிர விசாரணை நடத்தி வருகின்றனர். மேலும், சம்பவம் நடந்த இடத்தின் அருகே, பயனாளிகளுக்கு நலத்திட்ட உதவி வழங்கும் நிகழ்ச்சியில் அமைச்சர் சாமிநாதன் பங்கேற்ற இருந்த நிலையில், அப்பகுதியில் பதற்றம் நிலவி வருகிறது.