டாஸ்மாக்கை அகற்றக்கோரி போராட்டம் - கொந்தளித்த "குடிமகான்கள்" - பரபரப்பு காட்சி | Tiruppur

திருப்பூர் மாவட்டம் பல்லடம் அருகே, டாஸ்மாக் கடையை அகற்றக்கோரி நடந்த போராட்டத்தில், ஆர்ப்பாட்டக்காரர்களிடம் மதுப்பிரியர்கள் வாக்குவாதத்தில் ஈடுபட்டதால் சலசலப்பு ஏற்பட்டது.

பல்லடம் செட்டிப்பாளையம் பிரிவு பிரதான கொச்சின் சாலையில், டாஸ்மாக் மதுக்கடை செயல்பட்டு வருகிறது. குடியிருப்புக்கள் மற்றும் வணிக வளாகங்கள் நிறைந்த பகுதியில் டாஸ்மாக் கடை இருப்பதாலும், கடைக்கு பார் வசதி இல்லாததாலும், மதுப்பரியர்கள் சாலையிலேயே அமர்ந்து குடித்துவிட்டு நிலை தடுமாறி போதையில் விழுந்து கிடப்பதை வாடிக்கையாக கொண்டுள்ளனர். இதனால் அப்பகுதி பொதுமக்கள் மற்றும் பெண்கள் அச்சத்துடனே டாஸ்மாக் கடையை கடந்து செல்லும் நிலை ஏற்பட்டுள்ளது. இந்த நிலையில், பல்லடம் அதிமுக சட்டமன்ற உறுப்பினர் எம்.எஸ்.எம். ஆனந்தன் மற்றும் பொதுமக்கள் பலர் பங்கேற்று, மதுக்கடையை அகற்றக்கோரி போராட்டம் நடைபெற்றது.