மளமளவென வளர்ந்த கஞ்சா செடி அதிரடி காட்டிய காவல் துறை

திருப்பூரில் சாலையோரம் வளர்ந்துள்ள கஞ்சா செடியால் பரபரப்பு ஏற்பட்டது. திருப்பூர் மாநகராட்சி காந்திநகர் அன்னை கார்டன் பின்புறம் உள்ள சாலையோரம் 4 அடி உயரத்துக்கு ஒரு கஞ்சா செடி வளர்ந்திருந்தது. இதை கண்ட பொதுமக்கள் வேலம்பாளையம் போலீசாருக்கு தகவல் தெரிவித்தனர். சம்பவ இடத்திற்கு சென்ற போலீசார் குறிப்பிட்ட செடியை சோதனையிட்டனர். அது கஞ்சா செடி என தெரிய வந்ததை அடுத்து உடனடியாக அதனை பிடுங்கி அப்புறப்படுத்தினர். யாராவது பயன்படுத்திவிட்டு வீசிய கஞ்சாவில் இருந்து செடி தானாக முளைத்து வளர்ந்ததா? அல்லது பயிரிடப்பட்டு வளர்க்கப்பட்டதா? என போலீசார் விசாரணை நடத்தி வருகின்றனர்.