எமனிடம் இருந்து நொடியில் உயிர் தப்பிய முதியவர் - கஞ்சா போதை இளைஞரால் நடந்த அதிர்ச்சி

திருப்பத்தூரில், கஞ்சா போதையில் முதியவர் மீது பைக்கை மோதி இளைஞர் விபத்து ஏற்படுத்திய சம்பவம் குறித்து போலீசார் விசாரணை நடத்தி வருகின்றனர். தோரணம்பதி பகுதியைச் சேர்ந்த முதியவர் ராஜா, தமது இருசக்கர வாகனத்தை தள்ளிக் கொண்டு, கொரட்டி பகுதியில் சாலையை கடப்பதற்காக காத்திருந்துள்ளார். அப்போது, அந்த வழியாக பைக்கில் அதிவேகமாக காரக்காரன்கொட்டாய் விக்னேஷ், ராஜா மீது மோதியுள்ளார். இந்த சம்பவத்தில் ராஜா லேசான காயங்களுடன் உயிர்த்தப்பினார். தடுப்புச் சுவரில் மோதிய விக்னேசுக்கு காலில் எலும்பு முறிவு ஏற்பட்டது. இதையடுத்து, அவர், சென்னையில் உள்ள தனியார் மருத்துவமனையில் சிகிச்சைக்காக சேர்க்கப்பட்டார். விசாரணையில், விக்னேஷ் கஞ்சா போதையில் விபத்தை ஏற்படுத்தியது தெரியவந்தது. இதுகுறித்து போலீசார் விசாரணை மேற்கொண்டுள்ளனர்.