பாதி பெட்ரோல்..! மீதி தண்ணீர்.! பகல் கொள்ளையடிக்கும் `Petrol Punk' நெல்லையில் பரபரப்பு | Tirunelveli

நெல்லை தச்சநல்லூரில் உள்ள பெட்ரோல் பங்கில் தண்ணீர் கலந்த பெட்ரோல் விநியோகம் செய்வதாக கூறி வாகன ஓட்டிகள், பெட்ரோல் நிலைய ஊழியர்களிடம் வாக்குவாதத்தில் ஈடுபட்டனர். நேற்று இரவு மதுரை நெடுஞ்சாலையில் உள்ள பெட்ரோல் பங்கில், பெட்ரோல் நிரப்பிய இருசக்கர வாகனங்கள் அடுத்தடுத்து பழுதாகின. இதனையடுத்து, தண்ணீர் கலந்த பெட்ரோல் விற்கப்படுவதாக ஊழியர்களிடம் வாகன உரிமையாளர்கள் வாக்குவாதத்தில் ஈடுபட்டனர். சோதனையில் பெட்ரோலில் தண்ணீர் கலந்தது கண்டறியப்பட்டதையடுத்து, தற்காலிகமாக பெட்ரோல் பங்கில் விற்பனையை நிறுத்தி வைக்க போலீசார் அறிவுறுத்தியுள்ளனர்.