நெல்லையில் 7ஆம் வகுப்பு மாணவர்களுக்கு பாலியல் தொல்லை.. 2 ஆசிரியர்கள் போக்சோவில் கைது

பள்ளி மாணவர்களுக்கு பாலியல் தொல்லை கொடுத்த இரு ஆசிரியர்களை போலீசார் போக்சோ சட்டத்தின் கீழ் கைது செய்துள்ளனர்.

நெல்லை பாளையங்கோட்டையில் பிரபலமான அரசு உதவி பெறும் பள்ளி செயல்பட்டு வருகிறது. இந்த பள்ளியில் ஆயிரக்கணக்கான மாணவர்கள் படித்து வருகின்றனர். இந்த பள்ளியில் ஏழாம் வகுப்பு படிக்கக்கூடிய மாணவர்களுக்கு பாலியல் தொல்லை அளிக்கப்படுவதாகத் தகவல் வெளியாக கல்வித்துறை அதிகாரிகள் விசாரணைக்கு உத்தரவிட்டனர். விசாரணையில் தற்காலிக ஆசிரியர் ராபர்ட் மற்றும் நிரந்தர ஆசிரியர் நெல்சன் ஆகிய இருவரும் பாலியல் தொல்லை கொடுத்தது உறுதியானது. இதனைத் தொடர்ந்து நெல்சன் பணியிடை நீக்கம் செய்யப்பட்ட நிலையில் ராபர்ட் பணி நீக்கம் செய்யப்பட்டர். தொடர்ந்து இரு ஆசிரியர்களையும் போக்சோ சட்டத்தின் கீழ் கைது செய்த போலீசார் சிறையில் அடைத்தனர்.