பிரின்சிபல் அறை முன் குவிந்த மாணவர்கள்.. திரண்டு வந்த ப்ரொபசர்கள் - கல்லூரியில் திடீர் பரபரப்பு

திண்டிவனத்தில் அடிப்படை வசதிகள் செய்துதர கோரி, அரசுக்கல்லூரி மாணவர்கள் தர்ணா போராட்டத்தில் ஈடுபட்டனர்.

விழுப்புரம் மாவட்டம் திண்டிவனத்தில் உள்ள கோவிந்தசாமி அரசு கலைக்கல்லூரியை சேர்ந்த கவுரவ விரிவுரையாளர்கள் மற்றும் மாணவர்கள் தர்ணா போராட்டத்தில் ஈடுபட்டனர். கல்லூரியில் அடிப்படை வசதிகளை செய்து தருவது உள்ளிட்ட பல்வேறு கோரிக்கைகளை வலியுறுத்தி, கல்லூரி முதல்வர் அறையை முற்றுகையிட்டு மாணவர்கள் போராட்டம் நடத்தினர். தொடர்ந்து மாணவர்கள் பொறுப்பு முதல்வர் நாராயணனிடம் வாக்குவாதத்தில் ஈடுபட்டனர். தகவலறிந்து விரைந்த போலீசார் மாணவர்கள் மற்றும் பேராசிரியர்களிடம் பேச்சுவார்த்தை நடத்தி சமாதானம் செய்தனர்.