தவறை தைரியமாக தட்டி கேட்ட பள்ளி மாணவனுக்கு நடு ரோட்டில் கத்திக் குத்து - திண்டிவனத்தில் அதிர்ச்சி

திண்டிவனத்தில் பள்ளி மாணவனை கத்தியால் குத்திய 6 பேர் கைது செய்யப்பட்டனர்...

திண்டிவனம் அருகே பூதேரி கிராமத்தைச் சேர்ந்த 12-ஆம் வகுப்பு மாணவன், தனது இருசக்கர வாகனத்தில் ரயில்வே சின்ன பாலம் அருகே சென்று கொண்டிருந்தான். அப்போது, பாதாள சாக்கடைக்காக தோண்டப்பட்ட பள்ளத்தில் மாணவன் விழுந்ததால், சாலையை சீரமைக்காத அதிகாரிகளை மாணவன் திட்டியதாக கூறப்படுகிறது. அப்போது, அங்கிருந்த அபிலாஷ் என்பவர் மாணவர் சத்தம் போட்டதை கண்டித்ததாக தெரிகிறது. இதனால் இருவருக்கும் ஏற்பட்ட தகராறில் அபிலாஷ் மற்றும் அவரது கூட்டாளிகள் மாணவரை கத்தியால் குத்தி சரமாரியாக தாக்கியுள்ளனர். இதில் படுகாயமடைந்த மாணவர் மருத்துவமனையில் சிகிச்சைக்காக அனுமதிக்கப்பட்டார். இச்சம்பவம் தொடர்பாக 6 பேரை போலீசார் கைது செய்தனர்.