ரோட்டோரம் கிடந்த இளைஞர் உடல்... பணத்துடன் வீட்டுக்கு பறந்த லெட்டர்... கேட்போரை கலங்கடித்த பின்னணி

திண்டிவனத்தை அடுத்த, ஜக்காம்பேட்டையில் இளைஞர் ஒருவரின் உடல் கிடப்பதாக மயிலம் காவல்நிலையத்திற்க தகவல் கிடைத்தது. விரைந்து சென்ற போலீசார், உடலை மீட்டு அரசு மருத்துவமனைக்கு உடற்கூறாய்விற்கு அனுப்பி வைத்தனர். உயிரிழந்த இளைஞரின் பெயர் உள்ளிட்ட அடையாளங்கள் எதுவும் தெரியாத நிலையில் வலைதள பக்கங்களில் பதிவிட்டிருந்தனர். தகவல் அறிந்த பெற்றோர் மயிலம் காவல் நிலையத்திற்கு வந்த நிலையில், போலீசார் அவர்களிடம் விசாரணை நடத்தினர். உயிரிழந்த இளைஞர் கடலூர் மாவட்டம், பள்ளிப்பட்டுப் பகுதியை சேர்ந்த ஜெயப்பிரகாஷ் என்பது விசாரணையில் தெரியவந்தது. மேலும், கடந்த சில நாளைக்கு முன்பாக வேலை கிடைக்காத விரக்தியில் வீட்டை விட்டு வெளியேறிய அவர், தற்கொலை செய்து கொள்வதற்கு முன்பாக தான் வைத்திருந்த பணம், செல்போன், விஷ பாட்டிலுடன், கடிதம் ஒன்றையும் எழுதி பெற்றோருக்கு அனுப்பி வைத்துள்ளார் என்பதும் போலீஸ் விசாரணையில் தெரியவந்தது. வேலை கிடைக்காத விரக்தியில் இளைஞர் தற்கொலை செய்து கொண்ட சம்பவம், பெரும் சோகத்தை ஏற்படுத்தியுள்ளது.