வெள்ளத்தால் பாதிக்கப்பட்ட தூத்துக்குடி - தனியார் மருத்துவமனைகளுடன் கைகோர்த்த அரசு

மழை வெள்ளத்தால் பாதிக்கப்பட்ட தூத்துக்குடியில் தனியார் மருத்துவமனைகளுடன் இணைந்து, மருத்துவ முகாமினை, அமைச்சர்கள் மா.சுப்பிரமணியன், அனிதா ராதாகிருஷ்ணன், தி.மு.க எம்.பி. கனிமொழி ஆகியோர் பார்வையிட்டனர். பின்னர் செய்தியாளர்களிடம் பேசிய அமைச்சர் மா.சுப்ரமணியன், தூத்துக்குடி, நெல்லை, தென்காசி, கன்னியாகுமரி ஆகிய 4 மாவட்டங்களிலும், 3 ஆயிரத்து 331 மருத்துவ முகாம்கள் அமைக்கப்பட்டு, 1 லட்சம் பேருக்கும் மேல் சிகிச்சை அளிக்கப்பட்டுள்ளதாகத் தெரிவித்தார். தூத்துக்குடி மாவட்டத்தில் 911 மருத்துவ முகாம்கள் நடத்தப்பட்டு, சுமார் 57ஆயிரம் பேர் இதுவரை சிகிச்சை பெற்றுள்ளதாக அமைச்சர் மா.சுப்ரமணியன் தெரிவித்தார்.