மருத்துவரான சந்தோஷத்தில் தாயாருடன் காரில் சென்ற குடும்பத்திற்கு நேர்ந்த சோகம்

நெல்லை மாவட்டம் வள்ளீயூரை சேர்ந்த தம்பதி ரவீந்திரன் - ரமணி. இருவரும் மருத்துவர்களான நிலையில், சம்பவத்தன்று தன் மனைவி மற்றும் தாயாருடன் சிவகாசி சென்றுவிட்டு காரில் திரும்பியிருக்கிறார் ரவீந்தீரன். தூத்துக்குடி மாவட்டம் கயத்தாறு அருகே வந்து கொண்டிருந்த போது திடீரென கட்டுபாட்டை இழந்து தடுமாறிய கார், சாலையோர பள்ளத்தில் கவிழ்ந்து விபத்துக்குள்ளாகியுள்ளது. இதில் ரவீந்திரன், அவரது மனைவி ரமணி மற்றும் ரவீந்திரனின் தாயான சேர்மதாய் ஆகிய மூவரும் சம்பவ இடத்திலேயே உயிரிழந்தது அதிர்ச்சியை ஏற்படுத்தியது. தகவலின் அடிப்படையில் சம்பவ இடத்திற்கு வந்த போலீசார், மூவரின் உடல்களையும் கைப்பற்றி மருத்துவமனைக்கு கொண்டு சென்ற நிலையில், விபத்துக்கான காரணம் குறித்து தீவிர விசாரணை நடத்தி வருகின்றனர்.