அண்ணன் வயிற்றில் அடித்த தம்பி - தட்டி கேட்க சென்ற மருமகனுக்கு நேர்ந்த நிலை

திருவண்ணாமலை அடுத்த ஊதிரம்பூண்டி பகுதியை சேர்ந்த கோவிந்தாஜ்க்கும், அவரது தம்பி கிருஷ்ணனுக்கும், 35 ஏக்கர் நிலத்தை பாகப்பிரிவினை செய்ததில் தகராறு ஏற்பட்டதாக கூறப்படுகிறது. இதில், விதை விதைக்கப்பட்டிருந்த கோவிந்தராஜின் நிலத்தில், டிராக்டர் கொண்டு உழுது கிருஷ்ணன் தகராறு செய்ததாக தெரிகிறது. அதனை தட்டிக்கேட்ட கோவிந்தராஜின் மகன் மற்றும் மருமகனை, எதிர்தரப்பினர் தாக்கியதாக கூறப்படும் நிலையில், காயமடைந்த கோவிந்தராஜின் மருமகன் மருத்துவமனையில் அனுமதிக்கப்பட்டார். தொடர்ந்து தாக்குதல் சம்பவம் குறித்து போலீசார் விசாரணை மேற்கொண்டுள்ளனர்.