கோயிலில் குழந்தையிடம் நகை திருடிய மர்ம பெண்ணுக்கு வலைவீச்சு

திருவள்ளூரில் உள்ள கோயிலில் விளையாடி கொண்டிருந்த குழந்தையிடம் நகைகளை திருடி சென்ற மர்ம பெண்ணை போலீசார் தீவிரமாக தேடி வருகின்றனர்.

திருவள்ளூர் ஸ்ரீ வைத்திய வீரராகவர் பெருமாள் கோயிலில்

நேற்று முன்தினம் பக்தர்கள் சாமி தரிசனம் செய்தனர்.

அப்போது அம்பாள் சன்னதி முன்பு ஒரு பெண் தனது குழந்தைக்கு உணவு ஊட்டினார். குழந்தை அங்கும்

இங்கும் ஒடி விளையாடி கொண்டிருந்த நிலையில்

குழந்தையின் தாய் மற்றொரு பெண்ணிடம்

பேசி கொண்டிருந்தார். இதை கவனித்த ஒரு பெண்

தாய்க்கு தெரியாமல் குழந்தையை தூக்கி சென்று

கையில் அணிந்திருந்த தங்க மோதிரம் , பிரேஸ்லெட்

ஆகியவற்றை யாருக்கும் தெரியாமல் கழற்றி விட்டு

குழந்தையை கோயிலுக்குள் விட்டு சென்றது அங்குள்ள சிசிடிவியில் பதிவாகியுள்ளது.

பின்னர் குழந்தையை கண்டுபிடித்த தாய் நகைகள் காணாமல் போனதால் அதிர்ச்சி அடைந்தார். இது குறித்த புகாரின் பேரில் போலீசார் சிசிடிவி காட்சிகளை ஆய்வு செய்து நகைகளை திருடி சென்ற மர்ம பெண்ணை தீவிரமாக தேடி வருகின்றனர். பக்தர்கள் அதிகளவில் நடமாடும் கோயிலில் குழந்தையிடம் நகைகளை மர்ம பெண் திருடி சென்ற சம்பவம் அதிர்ச்சியை ஏற்படுத்தியுள்ளது.