``பஸ்-ல போக இனி குடை வேணுமோ..'' - பேருந்துக்குள் கொட்டிய அருவி..! பயணிகள் அவதி

திருத்துறைப்பூண்டி அருகே அரசு பேருந்தின் உட்புறத்தில் மழை நீர் ஒழுகியதால் பயணிகள் அவதியடைந்தனர். திருவாரூர் மாவட்டத்தில் நேற்று இரவு கனமழை பெய்தபோது, திருத்துறைப்பூண்டியில் இருந்து மன்னார்குடி நோக்கி சென்ற அரசு பேருந்தில் மேற்கூரை சேதமடைந்து காணப்பட்டதால் மழைநீர் ஒழுகியது. இதனால் உள்ளே இருந்த பயணிகள் சீட்டில் அமராமல் மழைநீர் ஒழுகாத இடத்தில் போய் நின்றபடி பயணம் செய்தனர். இந்த காட்சிகள் வைரலாகி உள்ளநிலையில், அரசு பஸ்களை முறையாக பராமரிக்க வேண்டும் என்ற கோரிக்கை வலுத்துள்ளது.