தண்டவாளத்தில் விவசாயி மீது ஏறி இறங்கிய டிராக்டர் - ரயில்வே கேட்-ல் நடந்த அதிர்ச்சி சம்பவம்

திருப்பத்தூர் மாவட்டம் காக்கங்கரை ரயில்வே கேட் பகுதியில் விபத்தில் சிக்கிய டிராக்டரால் பரபரப்பு ஏற்பட்டது. மாங்குட்டை பகுதியைச் சேர்ந்த விவசாயி தேவேந்திரன். இவர், டிராக்டரில் காக்கங்கரை ரயில்வே கேட்டை கடக்க முயன்றபோது, டீசல் இல்லாமல் வாகனம் நின்றுள்ளது. அப்போது, பம்பு செய்து ஸ்டார்ட் செய்ய முயற்சித்த போது திடீரென ஸ்டார்ட் ஆன டிராக்டர் தேவேந்திரன் மீது ஏறி இறங்கி தண்டவாளத்தில் சிக்கிய நின்றது. பின்னர், தேவேந்திரனை மீட்டு மருத்துவமனையில் அனுமதித்த நிலையில், நீண்ட போராட்டத்தில் பின் டிராக்டர் வெளியே எடுக்கப்பட்டது. இதனால், அவ்வழியாக சென்ற ரயில்கள் தாமதமாக சென்றன.