துக்க வீட்டில் கைவரிசை காட்டும் பலே திருடன்... தொக்காக சிக்கி .. முழி பிதுங்கி நின்ற சம்பவம்

வேலூர் மாவட்டம் குடியாத்தம் புதுப்பேட்டை பகுதியில் வெங்கடேசன் என்பவரது தாயார் உயிரிழந்த நிலையில், அவரது வீட்டில் இறுதிசடங்கு நடந்துள்ளது. அப்போது, அவர்களது வீட்டிற்கு வந்த சந்தேகத்திற்குரிய நபர், திடீரென வீட்டுக்குள் நுழைந்து பீரோவை திறக்க முயற்சி செய்தார். இதனை பார்த்த மக்கள் அவரை பிடித்து விசாரித்ததில், முன்னுக்குப் பின் முரணாக பதில் கூறியதால் போலீசாரிடம் ஒப்படைக்கப்பட்டார். விசாரணையில் பெங்களூருவை சேர்ந்த முனுராஜ் என்பது, குடியாத்தம் சுற்றுவட்டார பகுதியில் துக்க நிகழ்வு நடக்கும் வீடுகளில் நகைகளை திருடி வந்தது தெரியவந்தது. இவர் மீது கர்நாடகாவில் ஏராளமான வழக்குகள் நிலுவையில் உள்ள நிலையில், முனிராஜை போலீசார் கைது செய்தனர்...