பட்டப்பகலில் வீடு புகுந்து கைவரிசை.. சிசிடிவியில் சிக்கிய இளைஞர்.. தர்ம அடி கொடுத்த மக்கள்..

தென்காசி மாவட்டம் கடையநல்லூர் அருகே, வீடு புகுந்து தொடர் திருட்டில் ஈடுபட்ட வந்த இளைஞரை, பகுதி மக்கள் சிசிடிவி மூலம் சிறைபிடித்து தர்ம அடி கொடுத்தது பரபரப்பை ஏற்படுத்தியது.

மாவடிக்கால் பள்ளிவாசல் தெருவில் வசிக்கும் கணேசன் என்பவரது வீட்டில், சின்ன சின்ன பொருட்கள் தொடர்ந்து திருடு போயிருக்கின்றன. இதனால், வீட்டிற்குள்ளே கணேசன் சிசிடிவி பொருத்திய நிலையில், தன் நண்பர் வீட்டிற்கு வருவதுபோல் வந்து, புரோஸ்கான் என்ற இளைஞர் தொடர் திருட்டில் ஈடுபட்டது தெரியவந்தது. சிசிடிவி ஆதாரத்துடன் இளைஞர் புரோஸ்கானை அப்பகுதி மக்கள் சிறைபிடித்த நிலையில், தர்ம அடி கொடுத்து போலீசில் ஒப்படைத்தது பெரும் பரபரப்பை ஏற்படுத்தியது. இளைஞரிடம் இருந்து 30 ஆயிரம் ரூபாய் பணம் மற்றும் தங்க மோதிரம் ஒன்றை பறிமுதல் செய்த போலீசார், அவரை சிறையில் அடைத்த நிலையில், சம்பவம் குறித்தான வீடியோ இணையத்தில் பரவி வருகிறது.