சென்னை அருகே சிசிடிவியில் நடந்ததை பார்த்ததும் ஒன்றுகூடிய மக்கள் வெறி தீர வெளுத்தெடுத்த காட்சி

திருவள்ளூர் மாவட்டம் மணவூர் ஊராட்சியில் திருடனுக்கு தர்ம அடி கொடுத்து பொதுமக்கள் போலீசில் ஒப்படைத்த சம்பவம் பரபரப்பை ஏற்படுத்தியுள்ளது. ரயில் நிலையம் அருகில் உள்ள வீடுகள் மற்றும் கடைகள் ஆகியவற்றில் ஒருவர் கொள்ளையடித்ததை சிசிடிவி கேமராவில் ஒரு சிலர் பார்த்து அதிர்ச்சி அடைந்துள்ளனர்... உடனடியாக அப்பகுதியில் உள்ள பொதுமக்களுக்கு தகவல் தெரிவிக்கப்பட்ட நிலையில் அனைவரும் ஒன்று திரண்டு வந்து திருடனை கையும் களவுமாக லைவாக பிடித்து தர்ம அடி கொடுத்தனர். போலீசார் சம்பவ இடத்திற்கு விரைந்து வந்து திருடனை அழைத்துச் சென்று காவல் நிலையத்தில் வைத்து விசாரணை மேற்கொண்டு வருகின்றனர்.