காப்பாற்றியவர்களை முட்டி பறக்கவிட்ட காட்டெருமை.. தென்காசி அருகே அதிர்ச்சி

தென ்காசியில் கிணற்றில் விழுந்த காட்டெருமையை மீட்கச் சென்ற அதிகாரிகளை, காட்டெருமை முட்டித் தள்ளிய சம்பவம் அதிர்ச்சியை ஏற்படுத்தியுள்ளது. வண்டாடும் பொட்டல் பகுதியில், தோட்டத்தில் உள்ள கிணற்றில் காட்டெருமை விழுந்து உயிருக்கு போராடுவதாக வனத்துறை மற்றும் தீயணைப்பு துறையினருக்கு தகவல் தெரிவிக்கப்பட்டது. தகவலறிந்து சம்பவ இடத்திற்கு சென்ற அதிகாரிகள், காட்டெருமையை மீட்கும் பணியில் ஈடுபட்டனர். அப்போது மிரண்டு போன காட்டெருமை, அதிகாரிகளை முட்டித் தள்ளியது. இதனால் அதிகாரிகள் காயமடைந்த நிலையில், காட்டெருமை வனப்பகுதி நோக்கி விரட்டப்பட்டது.