மார்க்கெட்டில் ஏட்டய்யா தலையை சீவ வந்த அரிவாள்.. சிக்கிய கட்டை விரல் - அடுத்து நடந்த பகீர்.. கும்மிருட்டில் அதிர்ந்த கரூர்

கரூரில் காவலரை அரிவாளால் வெட்ட வந்தவரை பிடித்து, போலீசார் விசாரணை நடத்தி வருகின்றனர்.

கரூர் எஸ்பி அலுவலகத்தில் குற்ற நுண்ணறிவு பிரிவில் ஏட்டாக பணியாற்றி வரும் செந்தில் குமார்,

சீருடை அணியாமல் இரவு 9 மணியளவில், சொந்த வேலை காரணமாக காமராஜ் மார்கெட் அருகில் உள்ள சாலையில் சிறிது தூரம் நடந்து சென்றுள்ளார். அப்போது அவரை பின் தொடர்ந்த நபர் சட்டையில் மறைத்து வைத்திருந்த அரிவாளால் வெட்ட முற்பட்டுள்ளார். சுதாரித்துக் கொண்ட காவலர் செந்தில்குமார், அரிவாளை பிடுங்க முற்பட்ட போது, இடது கை விரலில் வெட்டு விழுந்தது. அப்போது ஏட்டு செந்தில் குமார், அந்த நபரை கீழே தள்ளிவிட்டு அரிவாளை பிடுங்கியதுடன், அவரை அங்கேயே உட்கார வைத்து விட்டு நகர போலீசாருக்கு தகவல் கொடுத்துள்ளார். அங்கு வந்த கரூர் நகர காவல் நிலைய போலீசார் அரிவாளை பறிமுதல் செய்ததுடன், மது போதையில் இருந்த அந்த நபரை ஆம்புலன்ஸ் மூலம் அரசு மருத்துவக் கல்லூரி மருத்துவமனைக்கு அனுப்பி வைத்தனர். அரிவாளுடன் வந்த நபர் அரவக்குறிச்சி பகுதியை சேர்ந்த காளிதாஸ் என்றும், அவர் மீது பல்வேறு திருட்டு வழக்குகள் நிலுவையில் உள்ளதும் தெரியவந்தது.