தமிழ்நாடு கேரளாவை உலுக்கிய கொள்ளையன்... ஜாலியாக சுற்றித் திரிந்த திருடன்.. தட்டி தூக்கிய போலீஸ்...

தமிழகம் மற்றும் கேரள மாநிலங்களில் 70 க்கும் மேற்பட்ட குற்ற வழக்குகளில் தொடர்புடையவர் கைது செய்யப்பட்டார்.

தென்காசி மாவட்டம் கடையம் கல்யாணிபுரத்தை சேர்ந்தவர் பாலமுருகன். இவர் மீது தமிழகம் மற்றும் கேரளாவில் கொலை, கொள்ளை உள்பட 70 -க்கும் மேற்பட்ட வழக்குகள் நிலுவையில் உள்ளன.

இந்நிலையில் கேரளாவில் நடந்த கொள்ளை சம்பவத்தில் தொடர்புடைய அவர் கைது செய்யப்பட்ட நிலையில், போலீசாரிடம் இருந்து தப்பி தென்காசி மாவட்டம் கடையம் அணைப்பகுதியில் பதுங்கி இருந்தார். மொட்டை அடித்தபடி மாறுவேடத்தில் இருந்த அவரை தமிழக போலீசார் உதவியுடன் கேரள போலீசார் கைது செய்தனர்.