இளைஞர் கை,காலை உடைத்த காரை தீ வைத்து எரித்த சொந்தக்காரர்கள்.. அதிர்ச்சி காட்சிகள்

தர்மபுரி மாவட்டம் மாரண்டஅள்ளி பகுதியை சேர்ந்தவர் அப்துல் ரசித். இவர் தன் நண்பர் ஒருவருடன் சேர்ந்து ஓசூர் அடுத்த தேன்கனிக்கோட்டையில் உள்ள உறவினர் வீட்டிற்கு சென்றுவிட்டு காரில் திரும்பியுள்ளார். அப்போது, இரு சக்கர வாகனத்தில் வந்து கொண்டிருந்த தேன்கனிக்கோட்டையை சேர்ந்த ரகுபதி என்ற இளைஞர் மீது, கார் மோதிய நிலையில், இளைஞருக்கு கை மற்றும் காலில் எலும்பு முறிவு ஏற்பட்டதாக கூறப்படுகிறது. இதனால், ஆத்திரமடைந்த இளைஞரின் உறவினர்கள், காரை அடித்து நொறுக்கி, தீ வைத்தது பெரும் பரபரப்பை ஏற்படுத்தியது. தகவலின் அடிப்படையில், சம்பவ இடத்திற்கு வந்த போலீசார், தீயை போராடி அணைத்த நிலையில், இது குறித்து தீவிர விசாரணை நடத்தி வருகின்றனர்.