"வெளியே ஒரே குளுரு" அழையா விருந்தாளியாக வந்த நல்ல பாம்பு குட்டி | Cuddalore

கடலூரில், வீட்டு வாசலில் வைக்கப்பட்டிருந்த ஷூவுக்குள் நல்லப்பாம்பு குட்டி புகுந்திருந்தது அதிர்ச்சியை ஏற்படுத்தியது. மஞ்சக்குப்பம் பகுதியைச் சேர்ந்த ரவிச்சந்திரன் என்பவரின் மகள், வெளியே செல்வதற்காக, வீட்டு வாசலில் இருந்த ஷூக்களை அணிவதற்காக எடுத்துள்ளார். அப்போது, அதற்குள் பாம்பு நெளிவது கண்டு அதிர்ச்சியடைந்து ள்ளார். இதுகுறித்து , அப்பகுதியைச் சேர்ந்த பாம்பு பிடிக்கும் செல்லா என்பவருக்கு தகவல் அளிக்கப்பட்டது. அவர், ஷூவுக்குள் இருந்த நல்லப்பாம்பு குட்டியை பிடித்து பாதுகாப்பாக வனப்பகுதிக்குள் விட்டார். இது நல்ல பாம்புகளின் இன பெருக்க காலம் என்பதால், பொதுமக்கள் சுற்றுப்புறங்களை தூய்மையாக வைத்துக்கொள்வதுடன், கவனமாக இருக்குமாறு சுற்றுச்சூழல் ஆர்வலர்கள் அறிவுறுத்தியுள்ளனர்.