வீட்டில் தனியாக இருந்த மூதாட்டி...கைவரிசை காட்டிய பலே கும்பல்..சென்னையில் அதிர்ச்சி சம்பவம்

சென்னையில், மூதாட்டியிடம் கத்திமுனையில் மிரட்டி பணம் மற்றும் நகையை கொள்ளையடித்து சென்ற சம்பவத்தில், 3 பேரை போலீசார் கைது செய்தனர். சென்னை அண்ணாநகரில் வசித்து வரும் சுஜாரிதா என்ற மூதாட்டி வீட்டில் தனியாக இருந்தபோது, அடையாளம் தெரியாத கும்பல் ஒன்று, கழுத்தில் கத்தியை வைத்து, ஒன்றரை லட்சம் ரூபாய் பணம் மற்றும் 7 சவரன் நகையை பறித்துச் சென்றது. இதுதொடர்பான புகாரின் பேரில், சிசிடிவியை வைத்து போலீசார் சோதனை செய்ததில், கடலூரை சேர்ந்த விக்னேஸ்வரன், சென்னையை சேர்ந்த அருள் மற்றும் சூர்யா ஆகிய 3 பேரை கைது செய்தனர்.