வாசலில் நின்ற பைக் மாயம் - நகையும் கடன்..பைக்கும் கடன்.. - ஓனர் வேதனை.. சென்னையில் அதிர்ச்சி

விருகம்பாக்கத்தில், வீட்டு வாசலில் நிறுத்தி வைக்கப்பட்டிருந்த விலையுயர்ந்த பைக்கை மர்மநபர்கள் திருடிச்செல்லும் சிசிடிவி காட்சிகள் வெளியாகியுள்ளன.

சென்னை விருகம்பாக்கம் பச்சையம்மன் கோயில் தெருவை சேர்ந்தவர் குகன் ராஜ். இவர் 2 லட்சத்து 20 ஆயிரம் மதிப்பிலான தனது இருசக்கர வாகனத்தை, வீட்டு பார்க்கிங்கில் தளம் போடுவதால், வீட்டு வாசலில் நிறுத்தியுள்ளார். காலை பார்த்த போது இருசக்கரவாகனம் காணாமல் போனது கண்டு அதிர்ச்சியடைந்த அவர், இதுகுறித்து போலீசாருக்கு தகவல் தெரிவித்துள்ளார். சிசிடிவி காட்சிகளை ஆய்வு செய்த போலீசார், மர்ம நபர்கள் இருவர் பைக்கை திருடிச்செல்வதை கண்டறிந்தனர். இதனையடுத்து வாகன திருட்டில் ஈடுபட்டவர்களை போலீசார் தேடி வரும் நிலையில், நகையை அடமானம் வைத்ததற்கான கடனுக்கு தவணையும், பைக்கிற்கான மாத தவணையும் இளைஞர் செலுத்தி வருவதாக வேதனை தெரிவித்தார்