கல்லூரியில் பேசி கொண்டிருக்கும் போதே பிரிந்த மாணவன் உயிர் - வெளிவந்த அதிர்ச்சி தகவல்

ஓமலூர் அருகே உள்ள பாகல்பட்டி கிராமத்தை சேர்ந்த விஜய் சாரதி என்ற மாணவர், பூசாரிபட்டி கிராமத்தில் இருக்கும் தனியார் கல்லூரியில் மூன்றாம் ஆண்டு பொறியியல் படித்து வந்தார். வழக்கம்போல கல்லூரிக்கு வந்த அவர், கல்லூரி வளாகத்தில் திடீரென மயங்கி விழுந்து பரிதாபமாக உயிரிழந்தார். தகவலின் பேரில் சம்பவ இடத்திற்கு வந்த போலீசார், உயிரிழந்த மாணவரின் உடலைக் கைப்பற்றி பிரேத பரிசோதனைக்கு அனுப்பி வைத்தனர். இதுதொடர்பாக உயிரிழந்த மாணவரின் பெற்றோர் காவல்நிலையத்தில் புகார் அளித்தனர். அதன்படி, போலீசாரின் முதற்கட்ட விசாரணையில், மாணவர் உடல் நலம் சரியில்லாமல் வலிப்பு ஏற்பட்டு விழுந்து உயிரிழந்தது தெரியவந்துள்ளது. இதனிடையே மாணவர் காலில் பெரிய வெட்டுக்காயம் இருப்பதால், போலீசார் சந்தேக வழக்காக பதிவு செய்து விசாரணை நடத்தி வருகின்றனர்.