பைக்கை தட்டிவிட்டு சாவியோடு எஸ்கேப்பான டிரைவர்.. பதைபதைக்கும் சிசிடிவி காட்சி

சேலத்தில் இருசக்கர வாகனத்தின் மீது மோதி விட்டு தனியார் பேருந்தை நடுரோட்டில் நிறுத்தி விட்டு சாவியுடன் ஓட்டுநர் தப்பி ஓடிய சம்பவம் பரபரப்பை ஏற்படுத்தியது...

சித்ரா என்ற பெண் சேலம் குகைப் பகுதியில் இருசக்கர வாகனத்தில் வந்து கொண்டிருந்த போது, அவரை முந்தி செல்ல முயன்ற பேருந்து இடித்ததில் சித்ரா நிலைதடுமாறி கீழே விழுந்தார்... தலைக்கவசம் அணிந்ததால் அவர் நல்வாய்ப்பாக உயிர் தப்பினார்... மயங்கிய சித்ரா உடனடியாக மருத்துவமனையில் அனுமதிக்கப்பட்ட நிலையில், அவர் மீது இடித்த தனியார் பேருந்தின் ஓட்டுநர் சாவியுடன் தப்பி ஓடினார்... இதனால் அரசு மருத்துவமனைக்கு சென்று கொண்டிருந்த 108 ஆம்புலன்ஸ் அவ்வழியில் செல்ல முடியாமல் பரிதவித்தது... உடனடியாக போலீசார் தப்பியோடிய ஓட்டுநரை தனியார் பேருந்து நிறுவனம் மூலம் வரவழைத்து பேருந்து எடுக்கப்பட்டது... இந்நிலையில் விபத்து பதிவான பரபரப்பான சிசிடிவி காட்சிகள் வெளியாகியுள்ளன.