அதிர்வை கிளப்பிய 2புலிகள் இறப்பு..? - பிரேத பரிசோதனையில் திடுக்கிடும் தகவல்

நீலகிரி மாவட்டம் உதகை அருகே இரண்டு புலிகள் இறந்தது தொடர்பான பிரேத பரிசோதனையின் இடைக்கால அறிக்கையை வனத்துறை வெளியிட்டுள்ளது...

நீலகிரி மாவட்டம் எமரால்டு பகுதியில் 2 புலிகள் மர்மமான முறையில் இறந்து கிடந்தன.இது தொடர்பாக வனத்துறையின் விசாரணை நடத்தி வந்த நிலையில், 2 புலிகளின் பிரேத பரிசோதனையின் இடைக்கால அறிக்கையை வனத்துறை வெளியிட்டுள்ளது. அதில், ஒரு புலியின் உடலில் வெளிப்புற காயங்கள் இல்லை எனவும், அனைத்து உடல் பாகங்களும் அப்படியே இருப்பதாகவும் கூறப்பட்டுள்ளது. மேலும், மற்றொரு புலியின் வயிற்றுப் பகுதியில் முள்ளம்பன்றி முட்கள், முடி இருந்ததாக தெரிவிக்கப்பட்டுள்ளது. இதனிடையே, புலிகள் இறந்து கிடந்த இடத்திற்கு அருகே, சந்தேகத்திற்கிடமான கால்நடை ஒன்றின் சடலம் கண்டுபிடிக்கப்பட்டதாக வனத்துறை தெரிவித்துள்ளது....